•236

REGISTRES D

[i563]

entretenir le credict acoustumé, et dont la jouissance sera par les mains dud. Receveur, que l'on baillera le cheoix aux bourgeoisde la Ville de ayder par prest à rendre dedans trois mois des deniers provenans de la vente du domaine de l'Esglise, dont led. Recepveur fera sa p.iommesse,luy adressant seuretté poulle recepvoir, à la charge que là où ceulx qui auront presté vouldront achepter dud. domaine de l'Esglise, sera prins leur quictance dud. de Vigny pour argent comptant, ou bien ceulx qui vouldront bailler deniers à rente seront assignez sur lad. vente qui sera faicte par led. S^r à lad. Ville. Et sera admonesté Sa Majesté, que pour plus promptement trouver deniers, que le meilleur est de vendre encores cinquante mil livres de rente pour six cens mil livres sur les deniers de l'Esglise, comme cy devant a esté faict, moictyé en depte, moictyé en argent comptant, que en envolant les expeditions et seurettez, les deniers seront promptement trouvez et Sad. Majesté plus tost secourue.

deniers par prest sy promptement, comme la neces-sitlé le requerra, il se treuve malaisé pour les grandes incommodités qui sont en lad. Ville, comme chascun sçaict, et que à lever Ies deniers par prest il pourroyt avoir telle longueur que le secours pourroyt estre inulille. Et quant à l'assignation de la constitution de rente sur la recepte generalle de Paris que par cy devant elle a esté offerte, dont l'on a tousjours faict difficulté, joinct que les gaiges et pensions des officiers qui ont esté et sont assignez n'en reçoivent poinct tel contentement que l'on doibve assurer rente sur lad. recepte generalle pour conserver tousjours le credict de la Ville, mais allin que le Roy congnoisse la devotion des bourgeois de lad. Ville,et considerant la consequence que c'est de l'occasion pour laquelle Sa Majesté demande lesd, cent mil escuz, luy sera faict entendre que là où il plaira à Sad. Majesté bailler bonne et sure assignation, autre que lad. recepte generalle, telle que le Recepveur de la Ville y puisse

CCCLXX. — Ung homme pendu traîne par les rues par des séditieux.

26 juin 1563. (Fol. 202 v°.)

Du samedy, xxvi" jour de Juing l'an mil v'lxiii.

Messieurs de Marle, Prevost des Marchans, Marcel, l'Advocat, l'Escalopier, Eschevins de lad. ville de Paris, après l'Assemblée faicte au grand Bureau de l'Hostel de lad. Ville desd, sieurs Prevost et Eschevins, Conseillers d'icelle Ville, pour adviser sur le recouvrement de la somme de cent mil escuz demandez par le Roy à lad. Ville pour le service de Sa Majesté, et estans retirez au petit Bureau, auroient oy grant bruict de peuple en la place de Greve; au moyen de quoy auroient regardé par les fenestres dud. petit Bureau que c'estoict, et auroient veu grande multitude de personnes à eulx incongneuz, comme crocheteurs, gaigne deniers, enfans et gens ramassez, belistres, ainsy que l'on pouvoyt juger par leurs habitz, venans du costé de la porte Bauldover, trainnoient de cordes vers la rue de la Tannerye M ung corps mort, frappant de bastons qu'ilz tenoient en leurs mains, lequel corps avoict auparavant, comme

d'une heure, esté pendu par octorité de justice pour larcin, au cymestiere Sainct Jehan. Pour quoy, pour veoir empescher que led. peuple ne menassent led. corps en la riviere, ainsy qu'ilz s'efforsoient faire, seroient soudainement et en la plus grande dilligence qu'il leur feust possible, descenduz dud. Hostel de Ville, et appeller avecq eulx le plus de personnes qu'ilz peurent, par force allerent et suivirent led. corps mort, prenant leur chemin par lad. rue de la Tannerye, en laquelle estans et à l'endroict et à l'enlrée des moullins qui sont sur la riviere, appellez les Chambres m" Hugues⁽²⁾, auroient recoulx et osté de force d'entre les mains dud. peuple led. corps mort, et d'icelluy peuple tenant et acompaignant led. corps mort prins et saisy au corps six personnes, asscavoir deux grans garsons et quatre petitz, et iceulx admenez prisonniers es prisons de l'Hostel de lad. Ville, où lesd, sieurs auroient faict apporter led. corps mort, le surplus dud. peuple adhe-

C' La rue de la Tannerie allait de la rue de la Planc.be-Mibray à la place de Grève; plusieurs ruelles descendaient de celte rue à la Seine, l'une d'elles était désignée sous l'appellalion de ruelle des Chambres makre Hugues.

'2) Ces moulins, au nombre de trois, se trouvaient en face de la rue de la Tannerie; dès la fin du xm^e siècle, ils étaient connus sous le nom de Chambres maitre Hugues à cause du nom de leur propriétaire, Hugues Restoré, avocat au Parlement, qui les fit reconstruire. (Cf. Fagniez, t'turfej sur l'industrie à Paris, 1877, p. 162.)